835cf444f12caabc88992126417003ca

འབྲོང་ལུགས་ཞི་ཁྲོ་ཕུར་གསུམ་གྱི་བརྒྱུད་རིམ་གསལ་བའི་མེ་ལོང༌།།

༄༅། །ཨོཾ་སྭ་སྟི། བདེ་ལེགས་སུ་གྱུར་ཅིག མཁྱེན་གཉིས་དཔལ་གྱི་དཀྱིལ་འཁོར་རྫོགས་ཤིང་སྐུ་བཞིའི་རྒྱལ་ཐབས་བདག་གིར་མཛད།། མཁྱེན་བརྩེའི་འོད་སྣང་ཆ་ཤས་རེ་ཡིས་འགྲོ་བློའི་ཀུ་མུད་གྲངས་མེད་འབྱེད།། མཁྱེན་རབ་ཐུགས་ཀྱི་གཏེར་ཁ་རྡོལ་བས་བརྒྱད་ཁྲི་བཞི་སྟོང་ཕ་འབབ་བསྩལ།། མཁྱེན་པ་ཟླ་མེད་སྨྲ་བའི་དབང་ཕྱུག་ཤཱཀྱའི་སྲས་པོ་རྟག་ཏུ་མཆོད།།

IMG_2892

ཤག་འབྲོང་ངུར་དགོན་གྱི་ངོ་སྤྲོད།

ངོ་མཚར་ཐུགས་བསྐྱེད་ཉི་གཞོན་འབྲོང་ངུར་པ།། འདི་ན་རྣམ་གྲོལ་བྱང་ཆེན་ཤག་ཝ་ཐང༌།། བཀའ་བརྒྱུད་གོང་མའི་རྗེས་འཛིན་ཆོས་ཀྱི་སྡེ།། ཕུན་ཚོགས་སྡེ་བཞིའི་དཔལ་ཡོན་འཕེལ་རྒྱས་གླིང༌།། ཞེས་སྐྱབས་རྗེ་རི་དབང་བསྟན་འཛིན་མཆོག་གིས་གསུངས་པ་འདིར་སྔོན་དུ་བཀོད་དེ། དེ་སྔོན་ཁམས་སྟོད་ནགས་ཤོད་འབྲི་རུ་ཁོངས་འགོམ་ཚོ་ཤོག་དང་ད་ལྟ་ཤག་ཆུ་ཤའང་ཁོངས་ཝ་ཐང་བཀའ་བརྒྱུད་འཕེལ་རྒྱས་གླིང་གི་ངོ་སྤྲོད་རགས་ཙམ་གླེང་བ་ལ། དང་པོ། ཕྱག་འདེབས་པ་པོའི་སྐུ་ཕྲེང་རིམ་བྱོན་གྱི་མཚན་དང༌། ངོ་སྤྲོད་མདོར་ཙམ་བསྟན་པ་ནི།

Drong Ngur Choje Gangpa Rinchen Odzer

གུ་ཤྲཱི་འབྲོང་ངུར་ཆོས་རྗེའི་སྐྱེས་རབས་གསོལ་འདེབས་བྱིན་རླབས་གཏེར་སྒོ་འབྱེད་པའི་ལྡེ་མིག་ཅེས་བྱ་བ་བཞུགས་སོ།།

༄༅། །ཨེ་མ་ཧོ། རྒྱལ་ཀུན་ཡེ་ཤེས་མཐའ་བྲལ་འོད་ཀློང་ནས།། འགག་མེད་སྙིང་རྗེའི་རྩལ་ལས་རང་ཤར་བའི།། ཐུབ་པའི་གདུང་འཚོབ་བསིལ་ལྗོངས་མགོན་གཅིག་པུ།། མཚོ་སྐྱེས་རྒྱལ་བས་དགེ་ལེགས་ཆར་ཆེན་ཕོབས།།   མར་མི་སྒམ་པོ་འགྲོ་མགོན་རྡོར་རྒྱལ་རྗེ།། འཇིག་རྟེན་གསུམ་མགོན་དུས་མཁྱེན་ཇོ་ནག་ཞབས།། ལ་སོགས་གསར་རྙིང་བརྒྱུད་པའི་ཚོགས་རྣམས་ཀྱིས།། གཏན་ཏུ་ཤིས་པའི་འདོད་དགུར་དབང་བར་གསོལ།།

life-of-buddha-4

ཕྱག་འཚལ་བའི་ཡན་ལག་གི་དགོས་དོན་སྙིང་པོ་དང་ཕན་ཡོན།

ཕྱག་འཚལ་བའི་ཡན་ལག་གི་དགོས་དོན་སྙིང་པོ། སྤྱིར་སངས་རྒྱས་བྱང་སེམས་རྣམས་ལ་ཡིད་དང་བའི་སྒོ་ནས་ཕྱག་འཚལ་བས། རང་གི་ལུས་ངག་ཡིད་གསུམ་གྱི་སྡིག་སྒྲིབ་སྦྱོང་ཞིང་བསོད་ནམས་ཀྱི་ཚོགས་རྫོགས་པ་སོགས་དགོས་པ་དུ་མ་ཞིག་ཡོད་མོད། ཕྱག་འཚལ་བའི་ཆེད་དུ་བྱ་བའི་དགོས་པ་ནི། ཆོས་དང་འཇིག་རྟེན་གང་གི་ལུགས་ལ་ཡིན་ན་ཡང་ང་རྒྱལ་གྱི་གཉེན་པོ་བྱེད་པ་དེ་ཕྱག་འཚལ་བའི་དགོས་པ་གཙོ་བོ་ཡིན།

bardo-peaceful

སྣང་བ་ལྷར་སྒྲུབ་ཚུལ་ལ་དཔྱད་པ་རྟོག་གེས་མ་བསླད་པའི་རིག་འཛིན་གོང་མའི་ཞལ་བཅུད་དྲོན་མོ།

སྣང་བ་ལྷར་སྒྲུབ་ཞེས་པའི་སྣང་བ་དང་། །སྣང་བ་ལྷར་སྒྲུབ་ཞེས་པའི་ལྷ་དེ་ཉིད། ། གང་ལ་ངོས་འཛིན་རྒྱུད་གཞུང་དཀའ་བའི་གནད། །ཅུང་ཟད་དཔྱད་ལ་རྩ་གསུམ་གནང་བ་སྩོལ། །   མཐུན་པར་སྣང་བའི་ཀ་བ་བུམ་པ་སོགས། །སྣང་ཡུལ་རང་མཚན་འདི་ཀ་ཡིན་པ་འམ། ། འདི་ཀ་མ་ཡིན་འདི་ཡི་རང་བཞིན་ཞིག།དག་པ་ལྷ་རུ་སྒྲུབ་ཅེས་ཁ་ཅིག་རྩོད། །   ཡང་ན་དེ་གཉིས་ཀྱིས་ནི་དབྱེར་མ་ཕྱེ། །མདུན་དུ་སྣང་བའི་གོང་བུ་ཉིད་གཟུང་ངམ། ། གཞན་དུ་སྣང་དང་སྣང་ཡུལ་སྡེས་ཕྱེས་པའི། །སྣང་བ་དེ་ཉིད་ལྷ་རུ་སྒྲུབ་བམ་ཅི། །

350px-SRT34wheel_of_life

སེམས་ཅན་གསར་སྐྱེ། འཁོར་བ་ཐོག་མ། ཡོད་དམ་མེད།

དོན་ཀུན་གྲུབ་པས་མདོ་སྔགས་སྣ་ཚོགས་སུ།། འཁོར་བ་ཐོག་མ་མཐའ་མ་མེད་གསུངས་ཤིང་།། རྗེས་འཇུག་དག་གིས་ཐོག་མ་མེད་ན་ཡང་།། བྱེ་བྲག་པ་ལ་མཐའ་མ་ཡོད་དོ་གསུངས།།   འདི་ནི་རིགས་པས་དཔྱད་ན་དཀའ་གནད་དེ།། འཁོར་བའི་སེམས་ཅན་མུ་མེད་གྲངས་ཡས་ཀྱང་།། སེམས་ཅན་གསར་སྐྱེ་གཅིག་ཀྱང་ཡོད་མིན་པས།། སྔར་ཡོད་དེ་ལས་འཕེལ་མེད་སྨོས་ཅི་དགོས།།