Front Photo (1)

ནགས་སྟོད་མེ་མོ་བྲག་དཀར།

འབྲོང་ངུར་ཆོས་རྗེའི་གསང་བ་གསུམ་གྱི་གནས་མཆོག་ལས། གསུང་གི་གནས་མཆོག་ནགས་སྟོད་མེ་མོ་བྲག་དཀར་ནི། དེང་བོད་ལྗོངས་ཀྱི་འབྲི་རུ་རྫོང་གི་ཤག་ཆུ་དང་སྦྲ་ཆེན་རྫོང་གཉིས་ཀྱི་མཚམས་སུ་ཆགས་ཡོད། རི་འདི་ལོ་རྒྱུས་ཤིན་ཏུ་རིང་ཞིང་ངོ་མཚར་གྱི་བཀོད་པ་རབ་ཏུ་བཀྲ།

Front Photo (3)

ཤག་ཝ་ཐང་འབྲོང་ངུར་དགོན།

འབྲོང་ངུར་ཆོས་རྗེའི་གསང་བ་གསུམ་གྱི་གནས་མཆོག་ལས་སྐུ་ཡི་གནས་མཆོག་ཝ་ཐང་འབྲོང་ངུར་དགོན་བཀའ་བརྒྱུད་འཕེལ་རྒྱས་གླིང་ནི། འབྲོང་ངུར་ཆོས་རྗེའི་སྐྱེ་ཕྲེང་དང་པོ་རྒྱལ་བ་གངས་པ་རིན་ཆེན་འོད་ཟེར་གྱིས་སློབ་དཔོན་པདྨའི་ལུང་བཞིན་བསྟན་འགྲོའི་དོན་དུ་སྤྱི་ལོ 1248 ལོར་ཕྱག་བཏབ་སྟེ་ད་བར་མི་ལོ་བརྒྱད་བརྒྱ་ཙམ་གྱི་ལོ་རྒྱུས་ཡོད།

Front Photo (2)

སེབ་ཁྲ་རྫ་རྒན།

འབྲོང་ངུར་ཆོས་རྗེའི་གསང་བ་གསུམ་གྱི་གནས་མཆོག་ལས། ཐུགས་ཀྱི་གནས་མཆོག་སེབ་ཁྲ་རྫ་རྒན་ནི། དེང་ཤག་ཆུ་ཁུལ་དུ་ཡོད། རྫ་བྲག་གི་ལྷུན་པོ་ཡིད་དབང་འཕྲོག་པའི་བཀོད་པ་དུ་མ་མཇལ་དུ་ཡོད།

Drong Ngur Choje Gangpa Rinchen Odzer

གསོལ་བ་འདེབས་པ་འདོད་འཇོ་ཆར་གྱི་ཟེགས་མ།

༄༅། །མཁས་ཤིང་གྲུབ་པའི་དབང་ཕྱུག་རྒྱལ་བ་གངས་དཀར་བ་རིན་ཆེན་འོད་ཟེར་ཞབས་ལ་གསོལ་བ་འདེབས་པ་འདོད་འཇོ་ཆར་གྱི་ཟེགས་མ་ཞེས་བྱ་བ་བཞུགས་སོ།། སྟོན་བརྒྱའི་གཙུག་རྒྱན་མཉམ་མེད་ཤཱཀྱའི་གཙོ།། མུ་མེད་འཁོར་བ་ཐར་བྱེད་ལུང་རྟོགས་ཆོས།། མ་འདྲིས་འགྲོ་བའི་མཛའ་བཤེས་འཕགས་དགེ་འདུན།། དཀོན་མཆོག་རིན་ཆེན་གསུམ་གྱིས་ཤིས་པ་སྩོལ།།

Drong Ngur Choje Tenzin Drodul

བྱིན་རླབས་འདོད་འཇོ་ཞེས་བྱ་བ་བཞུགས་སོ།

རྒྱལ་བ་འབྲོང་ངུར་ཆོས་རྗེ་བཅོ་ལྔ་པ་ཆེན་པོར་གསོལ་བ་འདེབས་པ་བྱིན་རླབས་འདོད་འཇོ་ཞེས་བྱ་བ་བཞུགས་སོ། རྒྱལ་ཀུན་གསང་བདག་མཁྱེན་བརྩེའི་འོད་དཀར་ལས།། གང་འདུལ་རོལ་གར་བསྟན་དང་འགྲོ་བའི་བཤེས།། འགྲོ་འདུལ་མཚན་ཅན་འབྲོང་ངུར་ཆོས་ཀྱི་རྗེར།། གསོལ་བ་འདེབས་སོ་དེང་འདིར་ཐུགས་རྗེས་དགོངས།།

063-buddha-vector-image

སྒོམ།

ང་ཚོ་ཚང་མས་ཆོས་ཉམས་ལེན་བྱེད་ཐུབ་ན་སྙམ་གྱི་ཡོད་ལ། སྒོམ་རྒྱག་འདོད་ཀྱི་འདུན་པའང་ཤུགས་ཆེན་པོ་ཡོད། ཡིན་ནའང་བྲེལ་ཟིང་ཆེ་བའི་མི་ཚེ་འདིའི་ནང་སྒོམ་རྒྱག་པ་དང་ཆོས་ཉམས་ལེན་བྱེད་པར་དུས་ཚོད་ཀྱི་ཁོམ་པ་མི་འདུག་ཟེར་གྱི་ཡོད། དོན་དངོས་ཐོག་ང་ཚོར་སྒོམ་རྒྱག་པ་དང་ཆོས་ཉམས་ལེན་བྱེད་པའི་དུས་ཁོམ་མེད་པ་ཡིན་ནམ།